Eng.'Mohamed''s Journal, 31 Jul 23

والله اتوترت وانا متخرجة من سنين الله يكون فى عونهم ده فيلم رعب ضغط على الاهالى والطلبة مش طبيعي ربنا يفرح الكل 

🤣🤣فعلا ربنا يفرح قلوبهم كلهم 

فكرتنى والله انا كنت آخر واحده عرفت النتيجه النتيجه قالو ظهرت وكان في جيرانى نفس دفعتى كلهم عرفو النتيجه ونجحو والزغاريط شغاله وانا قاعده في البلكونه ومش عايزه اعرفها وكل تفكيرى لو مجموعى مجبش الكليه اللى انا عايزاها هعمل اى فمش عايزه اعرف كل اللى يسألنى عملتى اى وانا اقول معرفش وماما وقتها كانت في اسكندريه وتتصل بيا يابنتى عملتي اقولها معرفش فالكل يقولى عرفتيها ومش عايزه تقولى واصحابى كلهم بقوا عندى في البيت وبعد خلاص لما طلعت الرقم بتاعى علشان يعرفو نتيجتى النور قطع والعصر أذن وكان يوم لا يعلم بيه الا ربنا بس أنا كنت أزهر 

وانا كمان ازهر يا ميرو كنت داخلة تحدى مع اخويا اللى اكبر منى انى هجيب أعلى من مجموعه وفعلا ولحد النهاردة كل ما نفتح الموضوع يقولهم ال١٦٠ سم دى جابت أعلى منى بس رعب يا أميرة انا جالى الضغط من الثانوية وبعانى منه إلى الآن وفى الاخر مبشتغلش بالشهادة  

وهنا يحضرني قول الاستاذ اللى معرفش اسمه يا عم جبت الاول ع الجمهورية ع السبع قارات ماذا بعد احمد زى الحاج أحمد علا زى مدام علا 🤣🤣🤣🤣🤣 

جميل انا بحب الأزهر مع انه مش واخد حقه اوى وفى ناس نبغه فعلا أنا صراحه متوترتش أنا قلبى بس كان دقاته سريعه جداً واللى يشوفنى وقتها يقولى بارده بس كان جوايا بركان بمعنى الكلمه وكنت بتمنى متظهرش واقول هما مستعجلين ليه  

لا طبعا ياموده مش معاكى في دى مفيش مسواه بين الاتنين الاول بيختار اللى مجبش مجموع بيختاروله وبيكون مضطر يرضى  

قبل الامتحنات كنت بقول لماما مينفعش اتخطف وارجع بعد الامتحنات وفعلا من الخوف والقلق جالى حمى وكنت بموت يلا ايام والله الى الان اوقات بحلم انى فى اللجنة ومش عارفة احل واقوم مخضوضة وبفضل اقنع نفسي انى اتخرجت 🤣🤣 جابولنا عقدة منهم لله 

اكيد انا بس بهزر انا مقتنعة ان كل مرحلة منفصلة يعنى الثانوية مجموع هات مجموع عالى قوى علشان تحط رجل على رجل وتختار براحتك لكن مضغطش نفسي وتفوتني كلية على نص درجة ولا ١/  

ههههه اه منك يافاطيمه لا داعى ان تكون البنت شاطره في الاتنين عادى في التعليم والبيت وفي شغلها والبيت وربنا يقوى كل واحده متزوجه وتخدم في بيتها وتشتغل بجد تحياتى ليها  

أنا بتكلم من خلال تجارب عيلتى ومعرفش ممكن يكون الزوج مساعد في كده دكاتره وليهم عيادات خاصه غير شغلهم في المستشفيات وبسم الله ما شاء الله وعيالهم ممتازين ومستواهم حلو جداً في التعليم مفيش حاجه صعب ولا مستحيل احنا اللى بنصنع المستحيل  

نانسى حكمك غلط علي فكره ياحببتى اللى قاعده في البيت دى بتشتغل عمل له أهميه كبيره وهى بتبنى ولادنا في المجتمع بتربى رجال ونساء ومينفعش تقللى من مجهود حد علي الإطلاق  

والله يانانسي انا ام وزوجة وبشتغل وحرفيا نفسي اقعد فى البيت بس لو قعدت بكتئب وفى ناس تانية متحبش تشتغل عادى حى حرة وده حقها ربنا سخرلها اللى ياخد باله منها سواء زوج او اب او اخ الاتنين صح والاتنين زى بعض مفيش حد احسن من حد اللى فعلا لا اتهاون فيه ومقبلوش ابدا على ست انها تكون غير مثقفة مش شرط الشهادة الحكومية لكن اقصد الثقافة نمى نفسك وطوري من نفسك علشان حتى لو هتكوني فى بيتك تكوني فاهمه وقادرة تتواصلي مع اولادك واللى حواليكي مهم الواحد ميكتفيش بس بتعليم بسيط ويرتاح لا مجالات التعليم كتير واصبحت ميسرة جدا جدا كمان  

بالظبط يافاطيمة وصراحة الشغل بيأذى الست اكتر ماييفيدها انا مع ان الست تتستت جدا بقى وابقى رايقة إنما نبقى راجعين احنا الاتنين مصدعين ومخنوقين فين بقى الأصل من الزواج( لتسكنوا إليها ) خلاص شكرا وبرضو ده رأي شخصي رغم انى بشتغل واتخنق لو قعدت لكن الحمد لله مش بقبل غير عدد حالات معينة علشان يكون فى تلتين اليوم للبيت والولاد والفرعون الصغير الكبير🤣🤣🤣🤣 

انا مع ان المرأه تكون عاملة من الساعه 9 الي 12 الضهر 🥸🥸 وتروح بيتها 🏃🏃 تبقه مش عامله عشان تفرفش الاكل وترتب البيت.🤝🎉 🥸🥸🏃🏃 

عندك حق يافاطيمة والله الا من رحم ربي كفاية مناقشة علشان هناخد حظر كلنا  

انتى قولتى يافاطيمه وجهة نظر يعنى مش حكم عام وكل واحده بتشوف ده من خلال ظروفها وظروف بيتها وبتختار المناسب ليها ولأسرتها  

الست اللي بتشتغل بجد تحياتى ليها ثانية لانها فعلا تستاهل ده وموجود فعلا النموذج ده في مجتمعنا في معظم الوظايف المتوفره في مجتمعنا مدرسه دكتوره مهندسه صيدليه عامله مديره وتلاقيها عامله نتيجه مبهره ببساطه ربنا بيقدر كل شخص في المكان والظروف اللي هو التحطت فيها سواء بااختيارها او لا وفي بعض لأحيان بتربي افضل من ربة المنزل اللى قاعده في البيت 24 ساعه  

انا شايفها كده وللأسف هقولها بصراحة الزوج اللي ميتعاملش مع اسرته انه لو مات لاقدر الله...كيان الأسره ميتهزش يبقه معرفش يكون اسرة صلبة تواجه الواقع من بعده لازم تعلم كل اسرتك كل دروب الحياه زوجتك يكون ليها كيان بتعرف تتعامل مع الحياه متطلبش تكون ست عملية جدا بره بتشتغل من 5الفجر ل10بالليل زي الرجاله عشان كده بقول من 9الي 12 اي حاجه بقه مدرسة حضانه دكتورة مهندسة خياطة ايا كان المسمي بس تكون لامسه الواقع شايفه العالم بره ودي بتكون وقتها ست حديديه من وجهة نظري . 🌹تحياتي لكم وسلام عشان هتغدي 

كل وجهات النظر صح ويمكن انا اكتر وحدة اقدر احكم على ده لانى بالفعل بشتغل قبل الشغل فعلا كنت هشة جدا وبتلخم لكن بعد سبع سنين شغل ورغم ان شغلى اغلبه مع أمهات الاطفال الا ان فعلا بيفرق هو حلو ووحش حلو انه غير منى بقيت أقوى زوجى بيسافر ويروح ويجي وهو مش قلقان لانه واثق انى بعرف اتصرف ووحش انه خد من راحتى كتير لكن فى الاول والاخر شرعا وده اللى يحكمنا الست مش مطالبة خالص بالعمل لكن لو اشتغلت لا مشكلة شرعية طالما مفيش تقصير فى البيت لأن انت شايفه ده هنا كتير الأم سايبه الطفل للعاملة وتلاقيها جايه بيه داخل سادس ومش بيعرف يقرأ ولا يكتب او عنده تشتت انتباه فظيع او دسليكسا او غيره كتير وأساس المشكلة هو ترك الأم لدورها وسايبة الطفل اللى مش بتنطق عربي او بتسيب الطفل للايباد الوسط حلو وكل واحد يطبق اللى يريحه فى حياته كل حد ليه ظروفه